~~~~~~~~~~~~~~~~~~~~~
जीर्ण जीर्ण विदीर्ण..
विखुरले अवशेष भग्न..
ओसाड मनाच्या तुकड्यावर..
राख झाले ते स्वप्न..
घोंघावला सुसाट वारा...
पोचला मनाचीया द्वारा..
उडल्या स्वप्नाच्या अस्थी..
भरला आसमंत सारा...
नाचती फेर धरुनी...
आठवण देती करुनी..
विसरू पाहणारे दुःख..
सर्वत्र दिसे क्षणोक्षणी...
आकांक्षाच्या कबरी झाल्या..
पापण्यांच्या कडा ओल्या..
अश्रूंच्या पुरामधे...
ओंजळी भरून गेल्या..
~~~~~~~~~~~~~~~~~~~~~
Subscribe to:
Post Comments (Atom)
No comments:
Post a Comment